“Məktəblərarası əməkdaşlıq” layihəsi çərçivəsində zona görüşləri keçirilib
Şəmkir rayonu üzrə təhsil sektorunun müdiri, sektor əməkdaşları, ümumtəhsil məktəblərinin direktorları və müəllim kollektivinin iştirakı ilə “Məktəblərarası əməkdaşlıq” layihəsi çərçivəsində Şəmkir rayonunda fəaliyyət göstərən ümumtəhsil məktəblərində fəaliyyət planına uyğun olaraq zona görüşləri keçirilmişdir.
Görüşdə 2025–2026-cı tədris ilində IV və VI siniflərin milli qiymətləndirməyə hazırlıq vəziyyəti, eləcə də IX siniflərin buraxılış imtahanı üzrə keçirilmiş monitorinqlərin nəticələri müqayisəli təhlil edilib.
Bununla yanaşı, dərs dinləmələr, şagirdlərin davamiyyəti, nizam-intizam qaydalarına əməl olunması məsələləri ətrafında müzakirələr aparılıb. Sonda müəllimlərə tədrisin keyfiyyətinin yüksəldilməsi istiqamətində müvafiq tövsiyələr verilib.
