İmişlidə “Sərhəd” hərbi-idman oyununun rayon mərhələsi keçirilib

🟢 İmişlidə “Sərhəd” hərbi-idman oyununun rayon mərhələsi keçirilib.

"Sabirabadxəbər" xəbər verir ki, Dövlət Sərhəd Xidmətinin “N” saylı hərbi hissəsində “Sərhəd” hərbi-idman oyunu keçirilib. Hərbi-idman oyununda İmişli  rayonunun sərhədyanı yaşayış məntəqələrində yerləşən ümumtəhsil məktəblərinin X sinif şagirdlərindən ibarət 8 komanda iştirak edib. 
Yarışda iştirak edən gənclər sıra hazırlığı, sərhəd naryadı tərəfindən nəqliyyat vasitələrinə baxışın təşkili, avtomatın sökülüb-yığılması, sərhəd pozucusunun yaxalanması və təxliyyəsi, hədəfə atəş açılması, yaralanmış sərhəd naryadının üzvünə ilk tibbi yardımın göstərilməsi və digər meyarlar üzrə öz bacarıqlarını nümayiş etdiriblər.

🏆Oyunun nəticələrinə əsasən:
 🥇Qızılkənd kənd tam orta məktəbin “Turan”  komandası I yer, 
 🥈Aranlı kəndi 1 nömrəli kənd tam orta məktəbin “Aran” komandası II yer, 
🥉Çaxırlı kənd tam orta  məktəbin “Sərhədçi” komandası isə III yerə layiq görülüblər.
Qalib komandalar diplom və fəxri fərmanla təltif ediliblər.