"SABİRABADXƏBƏR" xəbər verir ki, 11 mart tarixində Azərbaycanın Elm və Təhsil naziri Emin Əmrullayev Şuşa şəhərində vətəndaş qəbulu keçirəcək. Qəbul zamanı sakinlərin təhsil sahəsi ilə bağlı müraciətlərinin dinlənilməsi, onları narahat edən məsələlərin araşdırılması və mövcud problemlərin qanunvericiliyə uyğun şəkildə həlli nəzərdə tutulur.
Nazirliyin fəaliyyət istiqamətlərinə uyğun olaraq, görüşdə valideynlərin, şagird və tələbələrin təhsil problemləri, məktəb infrastrukturu, tədrisin keyfiyyəti və digər sosial məsələlərlə bağlı müraciətlərə baxılması planlaşdırılır.
Hazırda Azərbaycan Respublikasının Elm və Təhsil Nazirliyi ölkədə təhsil siyasətinin inkişafı, innovativ təhsil layihələrinin həyata keçirilməsi və təhsil sisteminin modernləşdirilməsi istiqamətində fəaliyyət göstərir.
Belə görüşlərin vətəndaş–dövlət əlaqələrinin gücləndirilməsinə, müraciətlərin yerində araşdırılmasına və problemlərin operativ həllinə şərait yaratdığı bildirilir.
Yaşadığın rayonun təhsil şöbəsinə müraciət edib qəbul yazılmaq mümkündür
