Beynəlxalq Stolüstü Tennis Federasiyasının 100 illiyi və Bakının 2026-cı il “Dünya İdman Paytaxtı” seçilməsinə həsr olunmuş “Baku Open” turniri keçirilib.

"Sabirabadxəbər"  xəbər verir ki , Yarışda həvəskar və veteran stolüstü tennisçilər bacarıqlarını nümayiş etdiriblər. Peşəkar idmançılar isə yalnız qoşa yarışlarda – bir peşəkar və bir həvəskar olmaqla mübarizə aparıblar.

“Şüa” İdman Kompleksində təşkil olunan turnirin şəxsi yarışlarında Sergey Vermid qalib olub. İlqar Həsənov ikinci, Vaqif Məmmədov isə üçüncü yeri tutublar. Qoşa yarışlarda Əli Heydərli ilə Tatyana Aliulina birinci olublar. Fikrət Paşayev – Xəyal Həşimli tandemi ikinci, Əlixan Əlizadə ilə Hilal Həsənov isə üçüncü pillədə qərarlaşıblar