"Sabirabadxəbər" xəbər verir ki, Salyanlı karateçi Ləman Babayeva "Grand Prix" beynəlxalq karate turnirində parakarate üzrə II yeri 🥈 tutmuş və böyüklərin Avropa Çempionatında iştirak hüququ qazanmışdır.
📅 10 aprel 2026-cı il tarixində "Sərhədçi" İdman Mərkəzində Azərbaycan Karate Federasiyasının təşkilatçılığı ilə "Grand Prix" beynəlxalq karate turniri keçirilmişdir.
Turnirdə beynəlxalq dərəcəli hakim, V Dan Qara Kəmər sahibi, karate üzrə təcrübəli məşqçi-müəllim Seymur Məmmədovun rəhbərliyi altında Salyan karateçisi Ləman Babayeva da iştirak etmiş, parakarate üzrə K10 kateqoriyasında II yeri 🥈 tutmuş və 20-24 may 2026-cı il tarixlərində Almaniyanın Frankfurt şəhərində keçiriləcək böyüklərin Avropa Çempionatında iştirak hüququ qazanmışdır.
İdmançımızı və məşqçi-müəllimini təbrik edir, keçiriləcək bu mötəbər yarışda uğurlar arzu edirik.
