Heydər Əliyev adına Müasir Təhsil Kompleksində müəllim və şagird kollektivi ilə “Narkomaniya ilə mübarizə və Kibercinayətlər” mövzusunda maarifləndirici görüş keçirilib.
"Sabirabadxəbər.az" xəbər verirki, Tədbirdə iştirak edən Nəsimi Rayon Polis İdarəsinin rəisi polis polkovniki Vüqar Ağayev narkomanlıq və onun yaratdığı təhlükələrdən danışıb, kibertalamalarla mübarizə üsulları barədə məlumatlar verib, bu istiqamətlərdə görülən qətiyyətli mübarizə tədbirlərindən bəhs edib.
V.Ağayev neqativ halların aradan qaldırılması üçün vətəndaş məsuliyyətinin gücləndirilməsinin əhəmiyyətini vurğulayıb, gənclərin zərərli vərdişlərdən uzaq olmaları, sağlam həyat tərzi sürmələri, güclü iradəyə sahib olub doğru yolu seçmələri üçün tövsiyələr verib.
Sonda narkomanlığın fəsadlarını əks etdirən videoçarx nümayiş olunub və şagirdlərin sualları cavablandırılıb.
