Sabirabad Türkədi – Zəngənə yolunun yaxşılaşdırılması istiqamətində işlər davam edir.
"SABİRABADXƏBƏR" xəbər verir ki, Sabirabad rayon Yolçubəyli Bələdiyyəsinin təşkiatçılığı ilə, Türkədi – Zəngənə yolunun 2 km-lik hissəsində sakinlərin və bələdiyyənin dəstəyi ilə abadlıq işləri aparılıb. Görülən işlər çərçivəsində yolun yaxşılaşdırılması üçün 10 maşına yaxın çınqıl daşınması nəzərdə tutulub. Bu günə qədər isə artıq 60 ton çınqıl daşınıb və yolun aşınmış hissələrinə sərilib.
Eyni zamanda ərazi üzrə təxminən 400 metrə yaxın pay torpaqlarının ətrafının hasarlanması planlaşdırılır. Yolun daha uzunömürlü olması üçün aşınan hissələrin mütəmadi olaraq çınqıllanması da nəzərdə tutulur.
Görülən işlər kənd sakinlərinin hərəkətinin daha rahat və təhlükəsiz olmasına xidmət edir.
