sabirabadxeber.az / Sabirabad Gənclər Evində xüsusi qayğıya ehtiyacı olan uşaqlar üçün ödənişsiz konsultasiyalar təşkil olunub

Sabirabad Gənclər Evində xüsusi qayğıya ehtiyacı olan uşaqlar üçün ödənişsiz konsultasiyalar təşkil olunub

“Sabirabad Gənclər evi” sosial xidmət müəssisəsinin təşkilatçılığı ilə xüsusi qayğıya ehtiyacı olan uşaqların inkişafına dəstək göstərilməsi, valideynlərin maarifləndirilməsi və müvafiq sahələr üzrə peşəkar dəstəyin təmin olunması məqsədilə ödənişsiz konsultasiyalar həyata keçirilib. 🌱
Konsultasiyalar zamanı uşaqların fərdi ehtiyaclarının müəyyənləşdirilməsi, inkişaf xüsusiyyətlərinin qiymətləndirilməsi və valideynləri maraqlandıran məsələlərin müzakirəsinə diqqət yetirilib. Həmçinin valideynlərə uşaqların inkişafını dəstəkləyən yanaşmalar və müvafiq istiqamətlər üzrə tövsiyələr verilib. 🤝
Bu təşəbbüsün əsas məqsədi xüsusi qayğıya ehtiyacı olan uşaqların inkişafına töhfə vermək, onların cəmiyyətə inteqrasiyasını dəstəkləmək və ailələrə sosial dəstək göstərməkdir. 💙
02.11.2026 » 15:11
Geri