"Sabirabadxəbər" məlumat verir ki, 31 mart 2026-cı il tarixdə Şirvan-Salyan Regional Gənclər və İdman İdarəsinin təşkilatçılığı ilə 31 Mart – Azərbaycanlıların Soyqırımı Günü ilə əlaqədar idarə əməkdaşları və bir qrup gənclərin iştirakı ilə Quba Soyqırımı Memorial Kompleksi və kütləvi məzarlıq ziyarət olunub.
İştirakçılar əvvəlcə kütləvi məzarlığı və Soyqırım qurbanlarının xatirəsinə ucaldılmış abidəni ziyarət edib, abidənin önünə gül dəstələri qoyublar. Daha sonra Kompleksdə fəaliyyət göstərən Soyqırım Muzeyinə ekskursiya ediblər.