Şirvan şəhər Mədəniyyət Mərkəzində “Bayram tonqalı” adlı tədbir təşkil olunub.
"Sabirabadxəbər" xəbər verir ki, Tədbirdə Şirvan şəhərinin incəsənət ustaları, Mədəniyyət Mərkəzinin solistləri və rəqs kollektivlərinin ifasında milli-mənəvi dəyərlərimizin rəmzi sayılan muğam və rəqslərdən ibarət rəngarəng konsert proqramı təqdim olunub. Novruz bayramının əsas personajları olan Bahar qızı, Kosa və Keçəl maraqlı səhnə çıxışları ilə tədbirə xüsusi rəng qatıblar.
Sonda alovlandırılan Novruz tonqalı iştirakçılar tərəfindən böyük coşğu ilə qarşılanıb, milli geyimli oğlan və qızlar tonqal ətrafında yallı gediblər.
N.Quliyeva