"Sabirabadxəbər" xəbər verir ki, Hər il aprelin 18-i dünyada Beynəlxalq Abidələr və Tarixi Yerlər Günü kimi qeyd olunur.

Bu əlamətdar gün münasibətilə Ağdaş Dövlət Rəsm Qalereyası tərəfindən “Tariximizi yaşadaq” adlı rəsm sərgisi təşkil edilib.

Aprelin 17-də Ağdaş şəhər Heydər parkında baş tutan sərgi “Şəhərsalma və Memarlıq İli” çərçivəsində təşkil olunub. Sərgidə gənc rəssamların Azərbaycanın məşhur tarixi memarlıq abidələrinə həsr olunmuş əsərləri nümayiş etdirilib.

Sərginin məqsədi Azərbaycanın zəngin tarixi-mədəni irsinin tanıdılması, bu irsin qorunmasının vacibliyinin təbliği və gənc nəsillərdə tarixi abidələrə marağın artırılması, eyni zamanda istedadlı gənclərin peşəkar inkişafına dəstək göstərilməsidir.

Rəsm sərgisi sakinlərin böyük marağına səbəb olub

Tədbir 18 aprel “Beynəlxalq Abidələr və Tarixi Yerlər Günü”nə həsr olunub. Görüş Cəfərxan kəndində yerləşən və tarixi əhəmiyyət kəsb edən “Cəfər xanın evi”nin qarşısında baş tutub. 1915-ci ildə inşa olunmuş bu mülk bölgənin memarlıq irsinin qiymətli nümunələrindən biri hesab olunur. Tədbirin iştirakçıları kənd məktəbliləri və yerli mədəniyyət işçiləri olub. Görüş zamanı şagirdlərə Cəfər xanın həyatı və fəaliyyəti barədə geniş məlumat verilib. Eyni zamanda, tarixi binanın tikilmə tarixi və onun bu günə qədər qorunub saxlanılan memarlıq xüsusiyyətləri diqqətə çatdırılıb. Çıxış edənlər abidələrin qorunmasının milli mənliyin və tarixin yaşadılması baxımından vacibliyini vurğulayıblar. Məktəblilər binanın daxili və xarici görünüşü ilə yaxından tanış olaraq, bölgənin keçmişinə dair maraqlı faktlar öyrəniblər. Bu cür tədbirlərin keçirilməsi gənc nəsildə tarixi-mədəni irsimizə sevgi və hörmət hissini aşılamaq məqsədi daşıyır.

"Sabirabadxəbər" xəbər verir ki, bu barədə Mədəniyyət Nazirliyindən məlumat verilib.

Bildirilib ki, aprelin 18-də ziyarətçilərin qeyd olunan məkanlara girişi ödənişsiz təmin olunacaq.

“Sabirabadxəbər” xəbər verir ki, bu barədə şairin əmisi nəvəsi Reyhan İsmayılzadə bir neçə gün öncə sosial şəbəkə hesabında paylaşım edib.

“Tərəfimizdən edilən çoxsaylı müraciətlər və keçirilən görüşlərdən sonra Mədəniyyət Nazirliyi tərəfindən muzeydə yenidənqurma işlərinin aparılması ilə bağlı cavab məktubu təqdim olunub. Lakin təəssüf hissi ilə bildirirəm ki, bu günə qədər həmin istiqamətdə heç bir əməli addım atılmayıb” , - o qeyd edib.

Məsələ ilə bağlı Mədəniyyət Nazirliyinə verdiyimiz sorğunun əsasında bəlli oldu ki, Mikayıl Müşfiqin xatirə muzeyi qısa müddətdə əsaslı təmirə dayandırılacaq.

Xatırladaq ki, daha öncə Mədəniyyət Nazirliyindən saytımıza verilən açıqlamada Azərbaycan ədəbiyyatının görkəmli nümayəndələri - şair Mikayıl Müşfiq və dramaturq Cəfər Cabbarlının ev muzeylərinin təmir olunacağı bildirilmişdi.

Qeyd edək ki, Mikayıl Müşfiq adına xatirə muzeyi 1988-ci ildə onun 80 illik yubileyindən sonra Xızının Sayadlar kəndində yaradılıb. Şairin evi dağıldığı üçün muzey atasının bağ sahəsində qurulub. 1992-ci ildə tikilən muzey binası 1 mərtəbəli, 1 otaqlı olub (55 m²). 2004-cü ildə dövlət himayəsinə keçərək rəsmi muzey statusu alıb və 2006-cı ildən fəaliyyət göstərir. Muzeydə 221 eksponat saxlanılır./Qafqazinfo

"Sabirabadxəbər" xəbər verir ki , 15 aprel 2026-cı il tarixində Azərbaycan Respublikası Mədəniyyət Nazirliyi Nizami Gəncəvi adına Milli Azərbaycan Ədəbiyyatı Muzeyinin Xaqani Şirvani adına Aran Regional filialında Azərbaycan ədəbiyyatının qüdrətli nümayəndəsi Əfzələddin Xaqani Şirvaninin 900 illik yubileyinə həsr olunmuş elmi-praktik konfrans keçirildi. Konfransın açılışı elmi-praktik konfransın qonaqlarının və ziyalıların iştirakı ilə muzeyin Xaqani guşəsində baş tutdu. Filialın müdiri Yaqut Bahadurqızı Xaqani Şirvaninin 900 illik yubileyinin layiqincə keçirilməsi məqsədilə Azərbaycan Respublikasının Prezidenti İlham Əliyevin 28 yanvar 2026-cı il tarixli Sərəncamından bəhs edərək Ədəbiyyat muzeyinin, eləcə də Xaqani Şirvaninin adını dayıyan muzeyin Aran filialının üzərinə düşən vəzifələrdən bəhs etdi. Daha sonra tədbir Tofiq İsmayılov adına Kürdəmir şəhər 1 saylı tam orta məktəbin akt zalında davam etdi.

Elmi- praktik konfransı giriş sözü ilə açan muzeyin Xaqani Şirvani adına Aran Regional filialının müdiri filologiya üzrə fəlsəfə doktoru, dosent Yaqut Bahadurqızı bildirdi ki, Xaqani Şirvani Azərbaycan Ədəbiyyatı və mədəniyyətinin qızıl dövrünün ümumbəşər mədəniyyəti xəzinəsinə bəxş etdiyi nəhəng simalarındandır. Əsrinin mədəni həyatı ilə bağlı olan Xaqani Şirvani klassik ədəbiyyata qazandırdığı yeniliklərlə bütövlükdə yaxın və orta Şərq xalqlarının ədəbi-fəlsəfi fikrinin inkişafına qüvvətli təsir göstərmişdir. Sonrakı yüzilliklərin ustad şairləri Xaqani dühasına həmişə ehtiramla yanaşmış, məktəb kimi ondan bəhrələnmişlər.

Tədbirdə Nizami Gəncəvi adına Milli Azərbaycan Ədəbiyyatı muzeyinin “Beynəlxalq əlaqələr və dünya muzeyləri” şöbəsinin böyük elmi işçisi filologiya üzrə fəlsəfə doktoru Gülnar Əqiq “Xaqani yaradıcılığında Şirvan” mövzusunda məruzə edərək Xaqaninin Şirvanı öz şeirlərində paklıq və ülviyyət aynası, ədəb və mərifət diyarı kimi anaraq, Şərqin Bağdad və Bəsrə kimi şəhərləri ilə müqayisə etməsindən, öz şairlik təbinin də doğma diyarın ab-havasından qaynaqlandığından bəhs etmişdir.

Digər məruzəçi – muzeyin elmi işçisu Natavan Bağırova çıxışında qeyd etdi ki, sözün xaqanı, şeir mülkünün hökmdarı, alim Xaqani öz dövrünün bütün elmlərindən istifadə edərək onları yüksək poeziya incilərinə çevirmişdir. Onun şeirləri eyni dərəcədə həm elm, həm də poeziyadır, ancaq o, hər şeydən öncə şair olduğuna görə onun elmi poeziyasına xidmət etmişdir.

Azərbaycan Dövlət Pedaqoji Universitetinin Şamaxı filialının kafedra müdiri filologiya üzrə fəlsəfə doktoru Eyvaz Eminalıyev məruzəsində bildirdi ki, Xaqani Şirvaninin anadan olduğu yer mənbəələr əsasında dəqiqləşdirilir və xüsusi olaraq qeyd olunur ki, bir çox dərslik və ədəbiyyat tarixi kitablarında göstərildiyi kimi, Xaqani Şirvani Şamaxının Məlhəm kəndində yox, məhz özünün yazdığı kimi Şamaxı şəhərində anadan olmuşdur. Şamaxı tarixində XII əsrdə Məlhəm adlı kənd – yaşayış məskəni mövcud olmamışdır.

Tədbirdə akademik Rafael Hüseynovun Xaqani Şirvaniyə həsr etdiyi televiziyanın Mədəniyyət kanalında yayımlanan “Vətənim” verilişindən bir parça nümayiş olunmuş, həmçinin Xaqaninin qəzəl, qəsidə və rubailərindən nümunələr səsləndirilmişdir.

asasları müasir dövrün risaləsi" adlı tədbir keçirilib.

Tədbirdə Mil-Muğan RMİ-nin sektor müdiri Məhərrəm Cəfərzadə çıxış edərək qeyd edib ki,

Azərbaycan xalq musiqisi öz dərin

kökləri, zəngin melodik quruluşu və milli xüsusiyyətləri ilə dünya mədəniyyətində xüsusi yer tutur.

Məktəbin direktoru Aynur Rəhimova öz çıxışında qeyd edib ki,bu cür tədbirlər milli musiqi irsinin yaşadılması, təbliği və gələcək nəsillərə ötürülməsi baxımından mühüm əhəmiyyət daşıyır.

Cıxışlardan sonra

şagirdlərin

ifasında müxtəlif xalq mahnıları və muğam parçaları səsləndirilib, milli muğam və məqamlar hagqında məlumatlar verilib.

"Sabirabadxəbər" xəbər verir ki, Beyləqan Rayon İcra Hakimiyyətinin təşəbbüsü və dəstəyi, Mil-Muğan Regional Mədəniyyət İdarəsinin Beyləqan rayon üzrə fəaliyyət göstərən mədəniyyət müəssisələrinin birgə təşkilatçılığı ilə Azərbaycanın görkəmli Xalq şairi Səməd Vurğunun anadan olmasının 120 illik yubileyi münasibətilə “Qəlblərdə yaşayan şair” adlı tədbir keçirilib.

Rayon Mədəniyyət Mərkəzində keçirilən tədbirdə əvvəlcə Azərbaycan xalqının Ümummilli Lideri Heydər Əliyevin və Vətən uğrunda canlarını fəda etmiş şəhidlərin əziz xatirəsi yad edilib, Dövlət Himni səsləndirilib.

Tədbirdə rayon Ağsaqqallar Şurasının sədri Etibar İmanov və Birinci Şahsevən kənd 2 nömrəli məktəbin Azərbaycan dili və Ədəbiyyat müəllimi Rəşidə Allahverdiyeva çıxış edərək Səməd Vurğunun zəngin ədəbi irsindən, onun Azərbaycan poeziyasında tutduğu mövqedən və gənc nəslin vətənpərvərlik ruhunda formalaşmasındakı rolundan danışıblar.

Tədbirin bədii hissəsində Beyləqan Rayon Mədəniyyət Mərkəzinin “Xalq teatrı”nın və Namiq Allahverdiyev adına 1 nömrəli tam orta məktəbin şagirdlərinin birgə hazırladığı ədəbi-bədii kompozisiya təqdim olunub.Daha sonra Şirvan aşıq musiqisinin tanınmış ifaçıları İnci Şirvanlı və Uğur Şirvanlı tərəfindən təqdim olunan musiqi nömrələri tədbirə xüsusi bədii-estetik çalar qatıb.

Tədbir Azərbaycan aşıq sənətinin tanınmış nümayəndələri – Azərbaycan Aşıqlar Birliyinin fəxri üzvü, Qarabağ müharibəsi veteranı Aşıq Azər Fərmayıloğlu və aşıq İbrahim Gədəbəyli tərəfindən təqdim olunan zəngin ifalarla davam etdirilib və milli musiqi irsimizin dəyərli nümunələri səsləndirilib.

Həmçinin, tədbirdə Niyazi adına Beyləqan rayon Uşaq Musiqi Məktəbinin “Odlar Yurdu” xor kollektivi tərəfindən musiqi nömrələri təqdim olunub, eyni zamanda qiraət ustası və şair Razi İlham, Məmmədyar Ziyadoğlu, Zaur Kamiloğlu, Uğur Şirvanlı və Həsən Tağızadə tərəfindən görkəmli şair Səməd Vurğunun şeirlərini səsləndirilib.

Tədbirin sonunda Beyləqan Rayon İcra Hakimiyyətinin başçısı Əziz Əzizov çıxış edərək Səməd Vurğunun Azərbaycan ədəbiyyatındakı əvəzsiz rolundan bəhs edib, onun yaradıcılığının milli-mənəvi dəyərlərin təbliğində xüsusi yer tutduğunu vurğulayıb, tədbirin təşkilində əməyi olanlara və iştirakçılara təşəkkürünü bildirib.

Daha sonra xalq şairi Səməd Vurğunun 120 illik yubiley tədbirində fəal iştirakına görə Beyləqan rayonuna təşrif buyuran ifaçı qonaqlara Beyləqan Rayon İcra Hakimiyyəti başçısının Fəxri Fərmanları təqdim olunub.

Milli musiqimizin ən görkəmli nümayəndələrindən biri, Xalq artisti, tarzən Hacı Məmmədovun anadan olmasının 106 illiyinə həsr olunmuş Xalq Çalğı Alətləri İfaçılarının I Mərkəzi Aran Regional Müsabiqəsi keçirilir.

Mərkəzi Aran Regional Mədəniyyət İdarəsinin dəstəyi, Göyçay şəhər Arif Məmmədov adına Uşaq Musiqi Məktəbinin təşkilatçılığı ilə keçirilən müsabiqənin I mərhələsi 6, 8 və 10 aprel 2026-cı il tarixlərində baş tutub.

Regional İdarənin tabeliyində fəaliyyət göstərən musiqi və incəsənət məktəblərinin şagirdlərinin iştirak etdiyi müsabiqənin keçirilməsində məqsəd milli musiqi irsimizin təbliği, xalq çalğı alətləri üzrə istedadlı ifaçıların üzə çıxarılması, gənc ifaçıların bacarıqlarını nümayiş etdirmək üçün səmərəli şəraitin yaradılması və onların peşəkar inkişafına dəstək göstərilməsidir.

I mərhələdə uğurla çıxış edən namizədlər II mərhələdə iştirak etmək hüququ qazanıblar.

"Sabirabadxəbər" bildirir ki, müsabiqə tar, qarmon və kamança ixtisasları olmaqla iki yaş qrupu üzrə iki mərhələdə keçirilir. İştirakçılar xüsusi qaydada seçilmiş peşəkar münsiflər heyəti tərəfindən qiymətləndirilir. Müsabiqənin II mərhələsi 15 və 17 aprel 2026-cı il tarixlərində keçiriləcək. II mərhələnin nəticələrinə əsasən hər yaş qrupu üzrə I, II və III yerlərin qalibi seçilərək qala konsertində mükafatlandırılacaqlar.

"Sabirabadxəbər" məlumat verir ki, Azərbaycan Respublikası Mədəniyyət Nazirliyinin təşəbbüsü və təşkilatçılığı ilə ölkənin aparıcı bədii kollektivlərinin iştirakı ilə Bakı və regionları əhatə edən genişmiqyaslı mədəni qastrol proqramı həyata keçirilir.

Layihə paytaxt və bölgələri vahid proqram çərçivəsində birləşdirən, ölkə üzrə geniş coğrafiyanı əhatə edən ilk sistemli mədəni qastrol təşəbbüslərindən biridir. Proqramın məqsədi regionlarda mədəni həyatın canlandırılması, yüksək səviyyəli incəsənət nümunələrinin daha geniş auditoriyaya təqdim olunması və ölkə üzrə vahid mədəni məkanın möhkəmləndirilməsidir.

📍Aprel ayında qastrol proqramı Xırdalan, Lənkəran, Sumqayıt, Xızı, Mingəçevir və Zaqatala şəhərlərini əhatə edir.

🎶Aprel ayı konsert proqramı:

📍11 aprel – Xırdalan şəhəri

📌Abşeron rayon Mədəniyyət Mərkəzi | 🕒15:00

🎼Heydər Əliyev Sarayının Niyazi adına Dövlət Simfonik Orkestri

📍15 aprel – Lənkəran şəhəri

📌Q.Vəliyev adına Lənkəran şəhər Mədəniyyət Mərkəzi | 🕓16:00

🎼Fikrət Əmirov adına Gəncə Dövlət Filarmoniyasının “Göygöl” Dövlət Mahnı və Rəqs Ansamblı

📍18 aprel – Sumqayıt şəhəri

📌Kimyaçı Mədəniyyət Sarayı | 🕒15:00

🎼Heydər Əliyev Sarayının Niyazi adına Dövlət Simfonik Orkestri

📍20 aprel – Lənkəran şəhəri

📌Q.Vəliyev adına Lənkəran şəhər Mədəniyyət Mərkəzi | 🕓16:00

🎼R.Behbudov adına Azərbaycan Dövlət Mahnı Teatrının Estrada-Simfonik Orkestri

📍22 aprel – Xızı şəhəri

📌Heydər Əliyev Mərkəzi | 🕓16:00

🎼M.Maqomayev adına Azərbaycan Dövlət Akademik Filarmoniyasının Azərbaycan Dövlət Simli Kvarteti

📍23 aprel – Mingəçevir şəhəri

📌Heydər Əliyev Mərkəzi | 🕔17:00

🎼F.Əmirov adına Gəncə Dövlət Filarmoniyasının Kamera Orkestri

📍27 aprel – Zaqatala şəhəri

📌Zaqatala rayon Mədəniyyət Mərkəzi | 🕓16:00

🎼M.Maqomayev adına Azərbaycan Dövlət Akademik Filarmoniyasının Bakı Dövlət Kamera Orkestri

📍29 aprel – Sumqayıt şəhəri

📌Kimyaçı Mədəniyyət Sarayı |🕕18:00

🎼Azərbaycan Dövlət Akademik Opera və Balet Teatrının Simfonik Orkestri, solistləri və xor kollektivi

"Sabirabadxəbər" xəbər verir ki, buna səbəb son günlər Opera və Balet Teatrının bəzi əməkdaşlarının rəhbərliklə bağlı narazılıqlarıdır.

Yusif Eyvazovla nazirlikdə bu məsələlər ətrafında müzakirə aparılıb.

Xatırladaq ki, bir neçə gündür, Akademik Opera və Balet Teatrında sənət adamları ilə teatr rəhbərliyi arasında qarşıdurma xarakterli müzakirələr gedir.